1. Bé gbò nen tõó dùm naa mm̀ bàlà boo-í,

Náa gbáá ló nú e Bàrì gbĩ́.

À dú bíi kọ é naa nú e a dú lé;

Kọbé née í-è kyọ̀-à sĩ́.

Boo tṍó e bṍònà vaá nè fã̀ bẹẹ Bàrì;

Bẹẹ tõò dùm nyáá-á vaá dú lé.

À né-i agẹ ló boo tṍó e bṍònà,

Vaá naa kọ é láá sìm kilsĩ́.

Boo tṍó e pãànè tṍ ló nú e gé nó;

È gé náa nú e a bọ́ló.

Boo tṍó e gbaǹ tṍ ló, à é kpenà-i;

Vaá agẹlẹ ló bẹẹ zìgà.

2. Kọ̀láá kà nu e a gé né-i tã̀àgã̀,

Ólò ọọvẹ ló bẹẹ zìgà.

Boo tṍó e dọọ̀ bẹ̀là Jìhóvà Bàrì

A Moǹ Bel sí-è-i kpóó ló.

Tṍó e pãànè tṍ ló dùùlà bá deè tṍ,

E a aa bá pá bẹẹ vígà,

Tṍó e zọọ̀ pá vígà sí tóm nè Bàrì;

È ólò i-é ẹ́ẹ́-ẹẹ̀ nyíe.

Boo tṍó e pá vígà gbá bõoná nè fã̀

Mm̀ ketõ̀ò ge nè fã̀ Bàrì,

À ólò si-è kpóó ló bẹẹ zìgà bel.

Boo vó, néé aa ló gè bõoná.