1. Kalibutan nga aton ginapuy-an

Yara gid sa kadudulman.

Kinahanglan naton paggiya sang Dios

Para indi ’ta magtalang.

Aton pagtilipon makapaumpaw,

’Gapasanag sang paglaum.

Nagatudlo sang buhat nga maayo,

Sa aton nagapalig-on.

Sugo ni Jehova luyag ta sundon;

Kabubut-on n’ya tumanon.

Ang aton gugma sa kamatuoran

’Gabakod sa pagtilipon.

2. Ang aton tanan nga kinahanglanon

Nahibal-an ni Jehova.

Gani ang pagtambong aton unahon,

Kag magsalig gid sa iya.

Mapabakod ta ang aton pagtuo

Sa laygay sang mga gulang.

Wala gid kita nagaisahanon,

Mabulig ang kauturan.

Gani pagtilipon indi pabay-an

Kay adlaw n’ya ’gahilapit.

Sa pagtilipon aton nga matun-an

Kaalam gikan sa langit.