1. Peb nyob lub qab ntuj niaj hnub ua voj ua viag,

Ua zaj twg los ntsib kev nyuaj siab.

Yuav yog tav twg thiab ntev npaum li cas mus ntxiv,

Peb thiaj tau ua neej nyob luag ntxhi.

Thaum peb mus koom tej kev sib txoos ua ib ke,

Yuav pab kom peb rub lub siab ntev.

Nws qhia kom peb ib leeg txhawb ib leeg lub zog,

Thiab pab peb ua qhov zoo qhov yog.

Vajtswv Yehauvas qhia kom peb txawj sib hlub,

Thiaj li yuav txhawb txhua leej txhua tus.

Peb khaws nws tej lus rau peb nruab siab mus li,

Thiab ris nws txiaj ntsig mus ib txhis.

2. Muab peb lub siab tso rau Vajtswv Yehauvas,

Nws yuav pub kom muaj noj muaj hnav.

Cia li mloog nws tej lus ntuas txhua lub sij hawm,

Tshuav tsis ntev lub ntiaj teb yuav kawg.

Peb tau los mus nrog Yehauvas tsev tib neeg,

Ib leeg yeej txhawb ib leeg kev ntseeg.

Vajtswv Yehauvas cia muaj tus cob tus qhia,

Kom peb muaj kev vam kev cia siab.

Peb yeej tos ntsoov lub neej nyob rau yav pem suab,

Yuav rov ntsib cov neeg peb hlub tshua.

Peb zoo siab kawg nkaus uas muaj tej kev sib txoos,

Pab peb txais Vajtswv tej koob hmoov.