LIIT 87
Yeete fersamlung is Kot sayn kexenk
1. Ti welt fon te Taywel is tunkel un xlecht;
Wayt wech fon was Kot uns in lërnt.
Aleen is unmeechlich een froo leepe hon;
Im richtiche weech Kot uns lenkt.
Tes weeche, in yeete fersamlung mer keen;
Tii kept uns fiil muut un fiil kraft;
Tii heleft uns leepe tëm noo was Kot wil
Un macht unser klaape soo xtark!
Es lost uns soo froo Kot sayn Wort kuut ferxteen,
Tas kept uns fiil hofnung un troost;
Tas helft uns mit unser propleeme um keen.
Un lost uns noch tichter pay Kot.
2. Yeehoowa wees was yeete eene mit macht;
Tee khimert sich wërklich mit uns.
Tan, yeete fersamlung is Kot sayn kexenk;
Tii kepe uns hofnung uns xuts.
Sin fiil troye mëner woo phase uns uf;
Mer wole tii imer pay xteen.
Ti priiter un xwestre uns helfe mit liip
Un lose uns nii mools aleen.
Soo lang wii mer waarte tas xeen Paratiis,
Mer plaype mitsamer, kans ticht.
Soo, unser kemaynt wërt kans eenich un froo
Un nimant fon uns wërt fernicht.
(Kuk aach Psal. 37:18; 140:1; Xpr. 18:1; Ëfe. 5:16; Tya. 3:17.)