1. Dis world we live in stay all nuts an bus up,

Get guys who jus do wat dey like.

Dass why we need help, so we know wat fo do,

Fo make shua dat we gettum right.

Wen we come togedda, oua hope come moa strong,

Goin help us come close to oua God.

An dat goin help us fo like do good kine tings.

Da meetings help us fo hold on.

We no like foget wat Jehovah tell us.

Wat he say is wat we like do.

Oua meetings goin show us da right way fo go,

An help us fo stick to da trut.

2. Jehovah look close fo da tings dat we need,

He give us good words fo help us.

We make da time fo be at oua meeting place,

Cuz we get trus, we put um firs.

Da braddahs teach us all da smarts from oua God,

An how fo use um in oua life.

Da love dat we get from oua frenz ova hea,

So good fo know dey by oua side.

Da love dat we feel goin make us come moa strong,

Az betta wen we togedda.

So while we stay waiting fo one betta life,

Let’s keep meeting wit each odda.