1. Di worl we wi liv iina ful op a schres,

An piipl no bizniz bout Gad.

Som waahn mek wi fiil laik wi no av no sens;

Dem waahn wi fi jain dem du bad.

Wi miitn dem lif wi op wen wi fiil luo;

Dem elp wi fi memba wi uop

Se suun Gad gweehn get rid a evriting bad.

Wi miitn dem elp wi fi kuop.

Di miitn dem elp wi, bot no wi aluon;

Dem tiich wi fi elp adaz tu

Fi du evriting we Jeuova Gad lov—

A dat im ekspek wi fi du.

2. Jeuova Gad nuo evriting we wi niid—

Aal muor dan wi nuo it wiself.

So wen taim wi go a di miitn go lorn,

It shuo se wi wel waahn im elp.

Di elda dem tiich wi fram outa Gad Wod,

An so wi kyan chos wa dem se

Fi elp wi fi stie pan di siem naro ruod

We Jiizas did se wi fi stie.

Wi breda an sista dem de de fi wi;

Yes, dem a wi riil fambili.

So wi kom tugeda an sorv fi wi Gad

An liv ou im waahn wi fi liv.