1. Nu sta vive n’un mundu mau i sen fé,

Ki‿algen ka krê konxe Jeová.

Pur isu, nu meste se orientason,

Nos sô sen Jeová ka ta da.

Kel ki nu ta obi li na nos runion

Ta‿omenta nos fé mutu más.

Es ta da-nu forsa pa‿agrada Jeová,

Pa nunka nu ka bai pa tras.

I inda más gósi ki nu sta na fin,

Nu krê vive sima Deus fla.

Runions ta mostra-nu kaminhu di bai,

É li ki nos tudu krê sta.

2. Deus ta da konsedjus ki nu meste txeu,

Ku se odjus fíksu na nos.

Si nu kunpra ténpu pa sta na runions,

Nu ta obi sénpri se vós.

El kunfia n’ansions pa inxina se lei

I kuida di nos ku amor.

I nu sta na meiu d’irmons i irmans,

Ka ten un família midjór.

Pur isu timenti kel dia ka ben,

Nu sta djuntu na nos runion,

Pa nu sabe leba nos vida ku fé

Ti ki ta ben nos salvason.