1. Nsi-ntoto me fuluka ti bantu’a nku,

Yina me zaba Nzambi ve.

Sa beto le nunga ve beto mosi,

Nzambi fwe twadisa beto.

Balukutakanu ke kumisaka

Lukwikilu ngolo mingi.

Yo ke pusaka na mambu ya mbote,

Mpi ke pesaka kikesa.

Beto fwe sala luzolo ya Nzambi

Mpi kuzitisa bansiku.

Balukutakanu ke longaa beto,

Mpi ke pusaka na zola.

2. Nzambi me zaba bampusa na beto;

Mpi beto fwe wila yandi.

Beto fwe kwenda balukutakanu

Mpi kundima Ndinga’a Nzambi.

Bo ke longaka beto mutindu ya

Kumonisa lukwikilu.

Sa bampangi ke sadisaka beto,

Beto ke ve beto mosi.

Beto fwe vukanaka ti bo yonso,

Mpi kuvingila Yehowa.

Balukutakanu ke sadisaa na

Kubaka mayele’a Nzambi.