ចម្រៀងលេខ៨៧
ចូរមកទទួលកម្លាំងចិត្តឡើងវិញ!
(ហេប្រឺ ១០:២៤, ២៥)
-
១. យើងរស់ក្នុងពិភពលោកដែលវង្វេងវង្វាន់
ផ្លូវបវរនៃព្រះគេមិនស្គាល់
យើងត្រូវការឲ្យព្រះតម្រង់ផ្លូវរបស់យើង
យើងមិនអាចសម្រេចដោយខ្លួនផ្ទាល់
ការប្រជុំផ្ដល់កម្លាំងចិត្តយើងបានរឹងមាំ
គឺជួយយើងពង្រឹងជំនឿផង
ឲ្យយើងបំផុសទឹកចិត្តឲ្យប្រព្រឹត្តការល្អ
ដែលផ្ដល់នូវកម្លាំងចិត្តរាល់ដង
យើងមិនគេចវេះពីអ្វីដែលលោកបញ្ជាឡើយ
រាជបំណងលោកយើងខ្ញុំចង់ធ្វើ
ការប្រជុំបង្រៀនយើងពីអ្វីដែលត្រឹមត្រូវ
ស្រឡាញ់ក្ដីពិតយើងមិនស្ទាក់ស្ទើរ។
-
២. ព្រះយេហូវ៉ាដឹងនូវអ្វីដែលយើងត្រូវការ
ឱវាទរបស់លោកយើងត្រងត្រាប់
បើយើងលៃទុកវេលាដើម្បីជួបជុំគ្នា
បង្ហាញថាយើងទុកចិត្តនិងស្ដាប់
ដោយក្ដីបង្រៀនដែលយើងទទួលពីបិតា
យើងចេះបង្ហាញជំនឿទុកចិត្ត
ហើយមានការគាំទ្រពីបងប្អូនទីស្រឡាញ់
យើងមិនឯកាមានមិត្តជិតស្និទ្ធ
កាលដែលយើងសម្លឹងទៅគ្រាដ៏សែនសប្បាយ
យើងជួបអ្នកយើងស្រឡាញ់គ្រប់គ្នា
ហើយកិច្ចប្រជុំជួយយើងចេះប្រព្រឹត្តត្រឹមត្រូវ
រស់នៅដោយប្រាជ្ញាពីសួគ៌ា៕
(សូមពិនិត្យបន្ថែម ចសព. ៣៧:១៨; ១៤០:១; សុភ. ១៨:១; អេភ. ៥:១៦; យ៉ា. ៣:១៧)
