1. Yinza yayi kele ya kuzimbana

Zaba ve nzila ya Nzambi.

Na kuzimbana ve, beto kubika

Yehova twadisa beto.

Balukutakanu ke kumisaka

Kiminu ya beto ngolo,

Ke sadisá beto na kulemba ve,

Kusala mambu ya mbote.

Ni Yehova ke na bokilá beto,

Bika beto kuwa yandi.

Balukutakanu ke salá beto

Zola dyaka matsyeleka.

2. Yehova zaba bansatu ya beto,

Beto tula yandi ntima.

Beto kwenda na balukutakanu,

Beto ke lakisa ndwenga.

Bamvungi ya beto ke kipe beto,

Ke pesá beto malongi.

Bampangi ke pesá beto diboko,

Beto ke ve beto mosi.

Paradiso kele dyaka ve ntama,

Beto zimbana ve yawu.

Na balukutakanu beto ke zwa

Ndwenga Yehova ke pesá.