1. Miˬ guiˬ chi hkʼoˆ lo haiˬ ve cawˬ maˇ jaˇ leh

Gʼuiˬ sha ve awˬ hkʼaˇ shu maˇ shiˍ.

Kʼoˆ maˍ laˇ ve hkawˇ yonˍ gʼa ve cawˬ cawˇ ve,

Ngaˬ hui hkʼaˇ ngaˬ hui te maˇ gʼa.

Ngaˬ hui ve hpawnˬ daꞈ ve awˬ gʼaˇ peꞈ laˇ leh

Dawˇ law kuiˬ, yonˍ ve htehˍ laˇ ve.

Daꞈ ve te gʼa tuˬ shaˍ tiꞈ peꞈ laˇ ve leh

Te tcuhˉ taˍ gʼa tuˬ, ga laˇ ve.

Yaˬhoˉvaˬ ve hkawˇ htaꞈ ngaˬ hui maˇ baˬ taˉ,

Yawˇ ve a loˍ cawˇ ve te gaˇ.

Hpawnˬ daꞈ ve hkʼaw hteˇ cawˇ ve beˆ maˍ laˇ chehˇ,

Awˬ tehˬ htaꞈ haꞈ ve kʼawꞈ maˇ la.

2. Loˍ ve cawˬ la htaˇ, Yaˬhoˉvaˬ shiˍ ve yoˬ.

Yawˇ ve hkawˇ htaꞈ na yuˬ cawˇ ve.

Ngaˬ hui awˬ yanˇ htaꞈ vuiˬ leh hpawnˬ daꞈ gʼa tuˬ,

Yawˇ hkawˇ htaꞈ yonˍ leh cuˇ yiˍ yehˇ.

Gʼuiˬ sha htaꞈ kawˆ ve chaw beˆ maˍ laˇ pa taw,

Yonˍ hkʼaˇ hpeuꞈ maw piˇ gʼa ve yoˬ.

Yonˍ hkʼaˇ hkʼa shuˍ cawˬ ve chaw hui ga laˇ ve,

Teˇ gʼaˇ tiˉ maˇ gʼa chehˇ ve yoˬ.

Daꞈ jaˇ ve awˬ yanˇ htaꞈ ngaˬ hui law chehˇ leh

Haꞈ ve chaw hui geh hpawnˬ daꞈ la.

Choˬ kaˬ lo ngaˬ hui teꞈ ve awˬ hkʼaˇ henˇ gʼa,

Gʼuiˬ sha geh laˬ cuˇ yiˍ yehˇ ve.