1. Lungngaih manganna khawvêl thimah kan nung,

Kan Pathian kawng hriat a ni lo;

A kaihhruai leh vênhimna rin tlâk kan ngai,

Mahni pheikhai kan hruai thei lo;

Kan inkhâwmte’n beiseina thar min pe ṭhîn,

Pathian rinna min neihtîrin;

Thil ṭha tiha min chawkthotu thute nên,

Chakna min pe kal zêl tûrin;

Kan hawisan ngai lo vang, Jehova thupêk,

A duh zâwng tih chu kan duh zâwng;

Kan inkhâwmte’n kawng dik zawh dân min zirtîr,

Thutak ngainat a zualtîr ṭhîn.

2. Jehova’n a hria kan neih ngai zawng zawngte,

Kan ngaithla a thurâwn fingte;

Finna leh Pathian Thu rinna kan lantîr,

Hun leia kan inkhâwm ṭhin hian;

Pathian ṭihtute zirtîrna ṭha hmangin,

Rinna lantîr dân tûr kan zir;

Hmangaihtu rinna chhûngte’n min pui vângin,

Kan mal ngai lo vang tih kan chiang;

Chuvângin remchânna i lei zêl ang u,

Unaute nên inkhâwm tûrin;

Chung lam finna zârah nun dân tûr kan hria,

Inkhâwma min zirtîr vângin.