1. Тӱняште кугешныше улыт еҥ-влак,

Чын Юмо деч корнышт тора.

Айдеме шке уш дене ок керт илен —

Кап кумыл эртак ондала.

Мемнан вашлиймашна — ласка, тыныс вер,

Тушан ме шӱмнам эмлена,

Умбаке каяшлан вийнам погена

Да порылан тунемына.

Чын корнын моторлыкшым тушто шымлен,

Чоҥен кертына ӱшаннам.

Иеговалан келшышын, чын ден илаш

Тушан лач тунем шогена.

2. Пала Юмына мо кӱлеш мыланна,

Тудлан ӱшанен кертына.

Шкенан вашлиймашке кошташлан эре

Ме жапым муаш тыршена.

Иза-влакын полшымышт вийым пуа,

Осал корно деч кораҥда.

Йӧратыше ешыште лийын эртак,

Чыла ме сеҥен кертына.

Вашке лишемеш Юмын кече, садлан

Чакрак ме еш дек лийнена.

Эше утларак вашлиймашнам аклен,

Уш-акылым аралена.