1. Ano mavu ali mu liuayanga;

Vantu ka va leme Njambi.

Tu tonda kuenda mu njila ya cili;

Lika lietu ka tu hasa.

Viuano vietu vie ku kaniamesa;

Tu kole mu lutsilielo.

Na ku muesa vifua via lema Njambi,

Matangua ose mu muono.

Tue ku linga via tu sika Yehova;

Tua lema ku kunguluka.

Ce ku tu kuasa kuenda mu vuoloke;

Linga cilemo ci kole.

2. Njambi a tantekeya vi tu tonda;

Tua pande ku mu ononoka.

Tu tonde ntsimbu ya ku kunguluka

Tu muese mana a Njambi.

Ve ku tu longesa ku vakuluntu,

Mua ku muesa lutsilielo.

Hamo na vamuanetu muli Njambi

Tue ku lemesa Yehova.

Ntsimbu yose tue ku likungulula,

Na vamuanetu va ngozi.

Mu ku lemesa tue ku lilongesa

Mana a ku tunda muilu.