KOPELO 87
Etlang le Lapološwe!
-
1. Re phela lefaseng le timetšego,
Tsela ya Jah ga e tsebje.
Re nyaka tlhahlo le tšhireletšego,
Ka noši re ka se kgone.
Re lapološwa ke tšona diboka,
Di matlafatša tumelo.
Di re iša medirong e mebotse,
Ra kgona go kgotlelela.
Re se tlogele ditaelo tša Jah,
Re phethe thato ya gagwe.
Diboka di re fa matla a mafsa,
Tša tsošološa lerato.
-
2. Mmopi o tseba dinyakwa tša rena,
Re kweng keletšo ya gagwe.
Ge re ipha nako ya go bokana,
Re bonagatša bohlale.
Anke re beng le tumelo e matla
Ka go theetša Modimo.
Ka thekgo e lerato ya borwarre,
Re tla ikwa re thabile.
Re letetše dinako tše kaone,
Re tla dula re bokana.
Dibokeng re hwetša tlhahlo ya Mmopi
Gore re phele gabotse.
(Bona le Ps. 37:18; 140:1; Die. 18:1; Baef. 5:16; Jak. 3:17.)