1. World distaem no savve long wei bilong God,

No followim law bilong hem.

For sef iumi needim nao wisdom and help,

For hapi and misstim problem.

Bae meeting hem strongim man and givim hope,

And helpem iumi trustim Jah.

Bae strongim man for duim nao gud samting,

For faithful and for no givap.

Mas evritaem duim wanem hem talem,

Mas will bilong hem duim tu.

Bae meeting hem teachim iumi stret samting,

And helpem iumi lovem truth.

2. Jehovah hem savve long need b’long iumi,

So mas herem kaonsel b’long hem.

For tinghae long meeting no enitaem miss,

Hem wise and hem nao God talem.

Instruction from olketa wea fraet long God,

Hem help for duim stret samting.

And olketa brata sapotim iumi,

Wea diswan bigfala blessing.

So taem iumi weitim niu world wea bae kam,

Iumi mas no miss for hipap.

From meeting hem ples iumi kam for herem

Wisdom wea hem kam from antap.