گیت نمبر 87
آؤ تازگی پاؤ
(عبرانیوں 10:24، 25)
-
1. من مرضی دی راہ تے چلے دُنیا
نہ ہے کوئی رب دی پرواہ
یہوواہ سکھاندا سچائی دی راہ
اوہی نگہبان ہے ساڈا
عبادت تے جا کے ملے تازگی
ایمان دی ہووے پکی ڈور
جد پیار نال گلے لاندے رب دے لوکی
ایہہ دل نہ رہوے فیر کمزور
رَل مِل کے پوری کردے رب دی رضا
نہ مناں گے کدی وی ہار
کلام دے لفظاں توں ہاں ملے ہمت
کِنّاں پیارا ساڈا خدا
-
2. رب چنگی طرحاں سمجھے ساڈی ہر لوڑ
مناں گے اوس دی ہر صلاح
زمانہ بُرا، بڑا نازک سماں
چاہندا اے یہوواہ بھلا
دن رات وفادار بھرا دیندے نیں تلیم
مضبوط کردے ساڈا ایمان
جد جیون دی دوڑ چ ہزاراں نیں نال
فیر رہوے نہ دل پریشان
اِک دُوجے دے دُکھسُکھ دے ساتھی اَسی
بھائی چارہ ہے کِنّاں سوہنا
نوِیں دُنیا دی من ویکھدا اے تصویر
یہوواہ توں سکھدے رہنا
(زبور 37:18؛ 140:1؛ امثال 18:1؛ اِفسیوں 5:16؛ یعقوب 3:17 نُوں وی ویکھو۔)
