1. Tini heeˈnoommo alame bushate;

Maganono diaffinote.

Maganu biddishshi hasiisannonke;

Isi seekkanno doogonke.

Gambooshshinke baasa jawaachishanno;

Ammananke kaajjishanno.

Danchu loosirano kakkayisannonke;

Kaajje uurrate kaaˈlaanke.

Yihowa wodho lashshi diassineemmo;

Hedosino wonshineemmo.

Gambooshshunniwa doogosi ronseemmo;

Halaaleno cuˈmiˈneemmo.

2. Woyyannonkere afiyo Maganinke;

Isi amaale gimboonke.

Ammana noonketa leellishshannote

Ganyine gambooshshe daanke.

Shoomantino labballi rosiissaanke;

Loosoho kakkayissannonke.

Roduuwinke shiqqe irkissannonke;

Callimma diamaddaanke.

Haaro alamera heeˈneemmo gede,

Gamba yaanke diagurreemmo.

Maganu hayyonni heeˈnanni gara,

Gambooshshunniwa ronseemmo.