PINA 87
Tlang! Lo Lapolosiwe
-
1. Lefatshe la rona le mo lefifing;
Batho ga ba’itse Modimo.
Re tlhoka go kaelwa ke Jah ka metlha;
Gore re tle re atlege.
Dipokano di a re lapolosa;
Di re nonotsha tumelo.
Di re kgothatsa go dira molemo,
Mme re nna le tsholofelo.
Re tla nna mo dipokanong ka metlha;
Re dira thato ya ga Jah.
Dipokano di re ruta tshiamo;
Di tsosa ’rato lwa rona.
-
2. Jehofa o itse se re se tlhokang;
Re tshwanetse go mo reetsa.
Fa re nna teng mo dipokanong tsotlhe,
Re bontsha go mo ikanya.
Jehofa o re tlhometse badisa,
Gore ba re bontshe tsela.
Ka thuso ya bakaulengwe ba rona,
Re kgona go nna le maatla.
Fa re ntse re letile Paradaise,
Re tla nna re kgothatsana.
A re se leseng go phuthega mmogo
Kwa dipokanong tsa rona.
(Bona le Pes. 37:18; 140:1; Dia. 18:1; Baef. 5:16; Jak. 3:17.)