1. Kakilhtamaku xakapukswa la wi,

nialh makgas namasputukan.

Jehová la uku kinkapulalinan,

xtaxkgakget kinkamaxkiyan.

Anta ktamakxtumit namatliwakglhaw

wantu akin kanajlayaw.

Unu katsiyaw la natayaniyaw

chu nalakgalhamananaw.

Nitu katitlawalh nalimakgxtakgaw

stlan xcongregación Dios Jehová,

xlakata Jehová kiDioskan nalimin

xlakgtaxtut kilatamatkan.

2. Anta ktamakxtumit tlan nakgaxmataw

putum xliskgalala Jehová.

Xlakata naʼanaw kkintamakxtumitkan

katamawaw kilhtamaku.

Ti pulalinkgo kintamakxtumitkan

nakinkamakgtayakgoyan.

Chu komo akin nataxlajwaniyaw

anan xtamakgtay natalan.

Wa kamatliwakglhwi tu kanajlayaw

xlakata Jehová kiDioskan,

chu komo natayaniyaw akinin

latamat namakglhtinanaw.