PIREKUA 87
Ju sési pʼikuarherantani
-
1. Ini parhakpini jimbo engachi iáiasï jaka
nóksï mítisti Tata Diosï Jeobani.
Perujtsïni juchantsïni jorhendaxati
parajtsïni méntkisï sési nicheni.
Engachi tánguarhitajka erachicha jingoni,
kánikuachi sési pʼikuarhersïnga.
Ixújtsïni jorhendasïndi sési ambe úni,
xarhatani eskachi uékpesïnga.
Ixújtsïni jorhendasïndi xénchani Jeobani
ka úni ambe enga ima uandajka.
No ma ambe uáti eskachi jucha niáraakia
jurajkuni ini kúnguarhikuani.
-
2. Jeoba mítisti ambe engachi uétarhinchajka,
imajtsïni jorhendaxati.
Jatsiskachi para arhutani tiempu ka jurhani
imeri ambe jorhenguarhini.
Orhejtsïkutichajtsïni jarhuani jauati,
imajtsïni kuájchakuni jauati.
Engachi no sési nitamakuarhini jauaka,
erachichaksï jima jauati.
Jucha úsïnga sánderu mintsikani Jeobani
engachi jurhajka tánguarhikuarhu.
Jimbochisï kurhajtsïtani jurhani jarhajka
parachi niárani tsípikua jatsini.
(Ístu exe je Sal. 37:18; 140:1; Prov. 18:1; Efes. 5:16; Sant. 3:17).