1. Te balumilal ay ta ijkʼal kʼinal,

ma snaʼbeyik sba te Jehová.

Yan te joʼotik yakotik smulanel

te sakal kʼinal yuʼun Dios.

Ma jkejchantik te ya jtsobilan jbatik,

jich jun koʼtan ya kakʼ jbatik.

Ya jta jpʼijiltik sok smukʼul koʼtantik,

ya staxan yip te koʼtantik.

Mame xlokʼotik tey ta congregación,

jich maba ya jta jwokoltik.

Ya jkoltay jbatik yuʼun ma xlujbotik.

Kʼax nopolix te jkoleltik.

2. Ta sNail Tsoblej ya xjuʼ ya kaʼiytik

te spʼijil yoʼtan te Jehová.

Talel kʼaxel ya juk jbatik ta tsoblej,

jich ya jtatikxan kiptik-a.

Te jkananetik ya yakʼ yip koʼtantik,

sok skʼuxul yoʼtan ya spasik.

Teme ay bin-ora te ya xyalotik,

bayal koltayel kuʼuntik.

Teme ya jpastik te bin ya skʼan te Dios,

ya jtatik lekil kuxlejal.

Akʼa stsakxan yip te schʼunel koʼtantik

ta swenta te tsoblejetik.