ഗീതം 88
അങ്ങയുടെ വഴികൾ അറിയിച്ചുതരേണമേ
-
1. യാഹേ നാഥാ നിൻ ക്ഷണം മാനിച്ചിതാ
ഞങ്ങൾ നിൻ മുമ്പിൽ വന്നീടുന്നു.
നിൻ ഗ്രന്ഥത്തിലെ നിൻ ജ്ഞാനമൊഴികൾ,
ഞങ്ങൾക്കെന്നെന്നും വഴിദീപം.
(കോറസ്‌)
നിൻ വഴികൾ പഠിപ്പിക്കേണമേ.
നിൻ മൊഴി കേൾക്കും മനസ്സേകണേ.
നിൻ സത്യത്തിൽ നടന്നീടുവാനായ്‌
എന്നും സഹായം അരുളേണമേ.
-
2. നിൻ ജ്ഞാനമെന്നും അതിശ്രേഷ്‌ഠമല്ലോ.
നിൻ തീർപ്പുകളോ എത്ര ന്യായം!
എന്താശ്ചര്യമാം നിൻ സ്‌നേഹമൊഴികൾ!
എന്നും നിൽക്കും ആ വചനങ്ങൾ.
(കോറസ്‌)
നിൻ വഴികൾ പഠിപ്പിക്കേണമേ.
നിൻ മൊഴി കേൾക്കും മനസ്സേകണേ.
നിൻ സത്യത്തിൽ നടന്നീടുവാനായ്‌
എന്നും സഹായം അരുളേണമേ.
(പുറ. 33:13; സങ്കീ. 1:2; 119:27, 35, 73, 105 കൂടെ കാണുക.)
