88- ҚЎШИҚ
Очиб бер менга йўлларингни
-
1. Бугун, Яҳова, олдингга йиғилдик,
Келдик бу ерга таклифинг-ла.
Сўзинг — ҳақиқат, билим булоғидир,
Йўлни ёритгай у зиё-ла.
(НАҚАРОТ)
Яҳ, очиб бер менга йўлларингни,
Эсда сақлай доно сўзларингни.
Бўл ҳар дамда менга ҳамроҳ Ўзинг,
Мен завқ олай, ўқиб қонун-амринг.
-
2. Чексиз ва юксакдир, Аллоҳ, ҳикматинг,
Фармону амринг умидбахшдир.
Сенинг Каломинг — боқий мўъжизадир,
Битмас-туганмас хазинадир.
(НАҚАРОТ)
Яҳ, очиб бер менга йўлларингни,
Эсда сақлай доно сўзларингни.
Бўл ҳар дамда менга ҳамроҳ Ўзинг,
Мен завқ олай, ўқиб қонун-амринг.
