SANG 89
Lisn an Aalwayz Obay
-
1. If wi di lisn tu Krais, how wi shoa it?
Da bai di tingz weh wi du ahn wi seh.
An if wi mek Gaad feel gud, how wi noa it?
Ih tel wi hihn aalwayz bles hoo obay.
(KOAROS)
Lisn an aalwayz obay.
Du evriting weh Gaad seh.
Wi wahn geh blesinz ahn laif lang di way,
if wi du gud an obay.
-
2. Di way a laif weh wi chooz az wahn Kristyan
tek werk fi bil, soh da jos laik wahn hows.
Soh if wi waahn ga wahn salid fongdayshan,
wi need fi fala wi Maasta fahn now.
(KOAROS)
Lisn an aalwayz obay.
Du evriting weh Gaad seh.
Wi wahn geh blesinz ahn laif lang di way,
if wi du gud an obay.
-
3. Jos laik wahn chree weh di groa bai wahn riva
gi plenti froot ahn luk helti ahn green,
if wee obay ahn wi luk tu Jehoava,
Ih gi wi laif, evalastin ahn free.
(KOAROS)
Lisn an aalwayz obay.
Du evriting weh Gaad seh.
Wi wahn geh blesinz ahn laif lang di way,
if wi du gud an obay.
(Ada skripchaz: Deut. 28:2; Ps. 1:3; Prov. 10:22; Mach. 7:24-27; Look 6:47-49.)
