HLA 89
Ngai law, Zul law, Thluachuah Hmu
-
1. Khrih chimmi bia kan ngaih kha langhter u sih.
A cawnpiaknak nih lam a kan hmuhsak.
Kan theih, kan hngalhmi nih kan lung a lawmhter,
Nawl kan ngaih lawngah thluachuah kan hmu lai.
(CHORUS)
Pathian duhnak na theihmi
Ngai law, zul law, thluachuah hmu.
Lunglawmhnak, daihnak hmuh na duh ahcun,
Ngai law, zul law, thluachuah hmu.
-
2. Thetse cung si lo, lung cung inn sak ahcun
Kan nunnak ah huhphenhnak kan hmu lai.
Dawtnak in Jesuh lamhruainak kan zulh cun,
Lung cungah kan nunnak kan sak a si.
(CHORUS)
Pathian duhnak na theihmi
Ngai law, zul law, thluachuah hmu.
Lunglawmhnak, daihnak hmuh na duh ahcun,
Ngai law, zul law, thluachuah hmu.
-
3. Tiva kam ah hram aa sihmi thingkung cu
A caan hmaan tein thei a tlai bangin,
Pathian fale bantukin nawl kan ngaih cun,
Thluachuah le zungzal nunnak kan hmu lai.
(CHORUS)
Pathian duhnak na theihmi
Ngai law, zul law, thluachuah hmu.
Lunglawmhnak, daihnak hmuh na duh ahcun,
Ngai law, zul law, thluachuah hmu.
(Deut. 28:2; Salm 1:3; Ptb. 10:22; Matt. 7:24-27; Luka 6:47-49 zong zoh.)
