ˈˈTAN 89
ˈWɔn ˗man ˗Zlan ˗ta ˗sü ˈdhuëë˗ ˗yö ꞊va
-
1. Ö ˈˈtʋ ˗to Yesu ˗bha ˗kɔ ˗së ˈnën ˈö ˗tɔ,
ˈPë ˈö˗ pö kwa ˗dhɛ ˗a ˗ya ꞊bhlëë ˈgü ˗sü.
ˈKwa ˈwɔn man˗ ˗ta, ˗yö kwa Dë ˗Zlan zuʋ̈ˈˈ ꞊nii ˗da,
ˈÖ ˈwɔn ˗së ꞊va ꞊dede ˗nu ˗kë kwa ˗dhɛ.
(˗A ˈKUN ˗KƆ)
˗Zlan ˗bɔ Dëmɛn Yesu ˗ta,
ˈÖ ˈwɔn ˗së ꞊va ˗kë kwa ˗dhɛ.
ˈMɛn ˈü˗ ˈˈpiʋ̈ ˈü zuʋ̈gblüdhi ꞊dede ꞊slɔɔ,
˗Bhö ˗Zlan ˗bha ˈtɔŋ˗ ˗nu ꞊bhlëë ˗ya.
-
2. Kwa këwɔn ˗nu ˗wo ˗kë ꞊dhɛ mɛn ˈkɔ ˈkpii˗ dɔ.
ˈKwa˗ ˈkɔ ˗gɛn ˗gban ˗gwë ˗ta, kö kwa ˗bha ˗së.
Kwa Dëmɛn ˗yö ˗dhioo ˗së ꞊va ˗dɔ ˈkwa ˗ta ꞊dɛɛ.
ˈWɔn ˗maan ˗ta ˗sü ˗yö ˗këdhösü ˗ʒian ˈka.
(˗A ˈKUN ˗KƆ)
˗Zlan ˗bɔ Dëmɛn Yesu ˗ta,
ˈÖ ˈwɔn ˗së ꞊va ˗kë kwa ˗dhɛ.
ˈMɛn ˈü˗ ˈˈpiʋ̈ ˈü zuʋ̈gblüdhi ꞊dede ꞊slɔɔ,
˗Bhö ˗Zlan ˗bha ˈtɔŋ˗ ˗nu ꞊bhlëë ˗ya.
-
3. ˈˈDhü ˈwo ˈˈyiga ˗nu ˗gɔ ˗ta ꞊faan ˗yö ˗an ˗bha,
˗A ˈˈtʋ̈ŋ ˗ya ˗wo ˗an bhɛ ˗së ˗nu ˗wo ˗ya.
ˈKwa ˈwɔn man ˗Zlan ˗ta kö kwa ꞊dhɛ ˈˈdhü ˗së ˈdhö.
˗Zlan ˗dho ˗toëpö ˗këdhösü ˗nu kwa ˗dhɛ.
(˗A ˈKUN ˗KƆ)
˗Zlan ˗bɔ Dëmɛn Yesu ˗ta,
ˈÖ ˈwɔn ˗së ꞊va ˗kë kwa ˗dhɛ.
ˈMɛn ˈü˗ ˈˈpiʋ̈ ˈü zuʋ̈gblüdhi ꞊dede ꞊slɔɔ,
˗Bhö ˗Zlan ˗bha ˈtɔŋ˗ ˗nu ꞊bhlëë ˗ya.
(Kpɔɔˈˈ Deut. 28:2; Ps. 1:3; Prov. 10:22; Mat. 7:24-27; Dhu. 6:47-49 ˗bha.)
