LOYEMBO 89
Yoká, tosá mpe pambwamá
-
1. Tómonis’ete toz’olanda Kristo.
Mateya n’elakisaka nzela.
Motem’esepela koyoka yango,
Mpe tótosa, nde tokopambwama.
(MONDIMO)
Yoká, tosá Yehova,
Ye akopambola yo.
Mp’ozala n’esengo ya libela,
Yoká, tosá, pambwamá.
-
2. Soki toza’ n’etamboli malamu,
Toza’ kolanda matey’a Yesu,
Bomoi na biso ekómi lokola
Ndako etongami na libanga.
(MONDIMO)
Yoká, tosá Yehova,
Ye akopambola yo.
Mp’ozala n’esengo ya libela,
Yoká, tosá, pambwamá.
-
3. Lokola nzete pembeni ya mai
Ebotaka mbuma mbula nyonso,
Soki biso mpe toza’ na botosi,
Tokopambwama seko na seko.
(MONDIMO)
Yoká, tosá Yehova,
Ye akopambola yo.
Mp’ozala n’esengo ya libela,
Yoká, tosá, pambwamá.
(Talá mpe Mib. 28:2; Nz. 1:3; Mas. 10:22; Mat. 7:24-27; Luka 6:47-49.)
