LWIMBO 89
Teja, Kōkela, Amba Weselwe
-
1. Tutejanga namani Kidishitu?
Na kulonda bufundiji nyeke.
Shi twivwane’bo, nsangaji i yetu,
Ino kukōkela’bo dyo dyese.
(KITUNDAIJO)
Teja amba weselwe;
Londa bisaka Leza.
Shi usaka katōkwe ne dyese,
Teja kadi kōkela.
-
2. Byotulonga bitulamanga netu
’Nka bwa njibo myūbakwe pa mwala.
Shi tubalonda bwendeji bwa Yesu,
Ketukōbakapo pa musenga.
(KITUNDAIJO)
Teja amba weselwe;
Londa bisaka Leza.
Shi usaka katōkwe ne dyese,
Teja kadi kōkela.
-
3. Pamo bwa mutyi mukunwe ku mema
Upa bipa pa kyao kitatyi,
Shi netu tubakōkela bwa bana,
Tukeselwanga dyese dya būmi.
(KITUNDAIJO)
Teja amba weselwe;
Londa bisaka Leza.
Shi usaka katōkwe ne dyese,
Teja kadi kōkela.
(Tala ne Kup. 28:2; Ñim. 1:3; Nki. 10:22; Mat. 7:24-27; Luka 6:47-49.)
