1. Bag bin tshwèt ntamde nso kù num ben

Neghamde Yaweh Nsi ntù ntshùʼ,

Bʼaʼ yen mba nkôni tshwèt nta nèn mbwe;

Mfaʼ ntùn fà fide bo ntamde.

Nkôni zʼa netèt ghafaʼ Nsi là

Tshwèt mfà neta bo nefènntù.

Zebe ndà ntseʼde bʼa taʼ ndàlem,

Mbʼa dùʼ neseʼ ntèt fidentù.

2. Taʼ ntshob ze bo tshob ngelañ ntùn nà

Nenùn, a be mfà fidentù!

Be num njuʼ ntshob tsʼa tsweʼde ntù là

Ntshu fèt tse tanjoñ, shun bwôntù.

A bwô neshu netam mfaʼ ku ntshùʼ

Bo ben bo tam ngù nywinde ntshùʼ!

Bʼaʼ diag neso neta num be be

Njwimde fèt ben neket tshùalèt.

3. Bag bin tshwèt ndôde bo miag bamntù

Léʼnjù Yaweh Nsi nzendà là,

A bwô bag bin tseʼde ntùm ntamde

Nezin num manze zebe Nsi.

Ku ntshùʼ bo ghakwénta Yaweh Nsi,

Nywinde bʼa neghamdʼé matmat.

Ndùlà, be so kù num be, be be

Netshùb zebe bamntù neta.