UREMU 90
Ru wamá gurasu wóuniwagua
-
1. Dan wíderaguniña amu
awandei sun hadiheri,
wagunfuliruñein lugundan
Heowá, le giñe Wáguchi.
Lau sun wagundan woudin lidoun
wadamuridagun sun dan.
Ñein líchiga Heowá gurasu
woun lun derebugu wamá.
-
2. Adügati dimurei buiti
lun gúndaañu baadiwa lan,
lun mábürühan lan warüna,
lun hínsiñehabu wamá.
Kei lídanñadiwa lan aban
eseriwida lun Heowá,
ibihatiwa bandi erei
dan le nidiheri wamá.
-
3. Furangutu Lererun Bungiu:
Anitén luéyuri Heowá.
Ligía súdini lubéi lun
wadamuridaguba lan.
Gaganbadi wamá lun Bungiu,
lau hínsiñehabu wamá;
gayara láamuga wibihin
ibagari lun súnwandan.
(Ariha huméi giñe Luk. 22:32; Adü. 14:21, 22; Gal. 6:2; 1 Tesa. 5:14).