1. Tá kristin hugsa um hvørt annað,

í felag fremja vøkur verk,

sum systkin góð tey knýtast saman,

so øll í trúnni standa sterk.

Tann alskur, sannir vinir vísa,

kann styrkja tey, sum eru móð.

Tá verður samkoman eitt skýli,

eitt stað, har hjartað finnur ró.

2. Eitt troystarorð frá góðum vini,

eitt gagnligt ráð í røttu tíð,

kann geva troyttum nýggja megi

at stríða trúarinnar stríð.

Ja, komið, styrkið nú hvørt annað,

vit stevna øll á sama mið.

Og hevur onkur tunga byrðu,

so hjálpa vit og bera við.

3. Við trúarinnar gløggu eygum

vit síggja skilliga Guds dag,

tí ræður um at standa saman

og gera, sum Jehova bað.

Ja, komið, styrkið nú hvørt annað

og leggið alla orku í,

sum brøður standa vit tá saman

og tæna Gudi alla tíð.