SỌ́L EA GÃ́BUG DÚ 90
Nveenii Kpóó Ló Ene
(Híbrù 10:24, 25)
-
1. Na tú dẽe ẹ̀bmà gbò níí Bàrì
Vaá tõó vá ku kpàn dénè dee.
Bàrì tãànè dee bá ba zìgà;
Bõonè va ló mm̀ ba vulà.
Boo tṍó e ẹb vaá mòn pá vígà
E lóó va ọọ́ mm̀ ba zìgà.
È téèlà vaá bũ̀ùnà bẹẹ vígà,
Dàlà va lọl boó dõona tṍó.
-
2. Tú dẽe tẹlẹ kẽ mm̀ bõ̀ònatõ̀ò
Gbĩimá gbò sàn nè gbò nvín tãa!
Bã̀ vá ló, dã́tẽ́ ló ba tã̀àgã̀
Vaá naa ba bíi nè va boo tṍó.
Ẹ̀b bé nyíè dénè nen é ẹ́ẹ naa
Tṍó e nveè kpóó ló ba zìgà!
È zọọ̀ va tõó boo bẹẹ èèlè dùm
Vaá ká va gbẹẹ́ mm̀ ẹ́ẹ́-ẹẹ̀ nyíe.
-
3. Á gá tání nyíe kọọ̀ súng Bàrì
A kpáá dũ̀ù-à iná kuló,
Tú tàn ge fùl zel bá súng Bàrì
Gbẹẹ́ mm̀ o bùlà dénè tṍó.
Ge nvèè bá nè dénè pá vígà,
Vaá sí bẹẹ nònù dénè dee
Gé náa kọ bẹẹ zìgà á aga
Ló nyòòmà dùm e bè náa tá.
(Ẹ̀b nàgé Lúùk 22:32; Tóm 14:21, 22; Gàl. 6:2; 1 Tẹ̀s. 5:14.)