KANTIK 90
Ankouraz Sakenn Parmi Nou
-
1. Kan nou ankouraz bann frer ek ser
Pou krwar ek pou servi Bondie,
Lamour nou ena vinn pli sinser;
Ek sa fer nou viv dan lape.
Lamour pous nou fer bann bon aksion,
Donn nou kouraz pou andire.
Se kan nou dan nou kongregasion
Ki nou tou an sekirite.
-
2. Enn bon parol dan ler ki bizin
Kapav rekonfort nou leker.
Bann mo ki tous nou, fer nou dibien,
Nou tann sa zis ar nou bann frer.
Nou bien kontan travay kot-a-kot
Ar bann ki partaz mem lespwar.
Sakenn fer tou pou fortifie lot,
Ed nou frer, sa li nou devwar.
-
3. Avek lizie lafwa nou trouve
Ki zour Zeova pe koste.
Alor, fode ki nou rasanble,
Ek mars ansam avek Bondie.
Avek pep Bondie nou res soude,
Servi Li pou leternite.
Anou fer tou pou ankouraze
Ek pou gard nou lintegrite.
(Get osi Lik 22:32; Zist. 14:21, 22; Gal. 6:2; 1 Tes. 5:14.)