TLAKUIKALI 90
Ma timoyolchikauakan
-
1. Tinochtin timoyolchikauaj,
tikchiuaj tlen kijtoa Dios,
melauak kuali timouikaj,
tikpiaj yolseuilistli.
Jehová techyolchikaua miak,
yokijto ye tlayektlalis,
ik non, timomachtiskej Biblia,
ijkon tikneltokaskej Dios.
-
2. Tla ikaj peuas moyolkokos,
nikiluis kitlasojtla Dios,
ijkon ye kuali momachilis,
noijki peuas yolpakis.
¡Nochipa nimochijchikauas,
ijkon nikyolpaktis Jehová!
Tokniuan nikinpaleuijtos
uan kuali nikinyolseuis.
-
3. San niman peuas tlajyouilis
tlen tinochtin techmomojtis,
ik non, ma timopaleuikan,
ma mota timotlasojtlaj.
Moneki tikilnamiktoskej
san niman techmakixtis Dios,
ik non, ma timonechikokan
ijkon techmaluijtos Jehová.
(Noijki xikita Luc. 22:32; Hech. 14:21, 22; Gál. 6:2; 1 Tes. 5:14).