1. Segun ku nos ta kore huntu

e bon kareda di fieldat,

nos tur tin gran mester di otro

pa nunka kansa⁀i entregá.

Amor i obra ekselente

ta duna nos animashon.

E tou di Dios ta nos refugio;

den dje nos tin su protekshon.

2. Palabranan papiá na ora

fo’i boka di ruman stimá

ta konsolá nos ku ternura;

nos goso nan ta restorá.

Felis nos ta di sirbi huntu

ku tantu fiel adoradó

ku⁀e mesun meta i speransa,

kargando otro den amor.

3. Nos wowonan di fe por mira

e dia grandi aserká.

P’esei, nos tin ku bini huntu

pa nunka nos no desviá.

Uní ku tur nos fiel rumannan

pa semper nos ke sigui ta.

Pues, semper purba ser un fuente

di forsa⁀i ánimo pa nan.