1. Maganinkera soqqamate

Mimmito jawaachishanke,

Keerenna mittimma uyitanno;

Baxillinkeno lexxanno.

Ninke mereero noo baxilli,

Woˈmanka jawaachishanno.

Songote giddo heeˈnummoro,

Beˈe diyineemmo horo.

2. Yannasira coyiˈnoonni qaali,

Lowonta jawaachishanno!

Roduuwu togoo qaale coyidhe

Wodananke sissitanno.

Mitteenni loosa baxissanno,

Mitte hexxo noonkehura.

Kuˈu koˈoye jawaachinsheemmo,

Baalunku kaajje uurrara.

3. Yihowa barri iillayi noota

Wodanchinoommo daafira,

Ganyine gambooshshe haˈneemmo

Ammananke kaajjitara.

Yihowara mittimmatenni

Hegerera soqqammeemmo.

Ammanamme heeˈneemmo gede,

Mimmitoho irko ikkino.