CANCIÓN 92
Ti lugar ra guisaca laluʼ
(1 Crónicas 29:16)
-
1. ¡Guizáʼ de nayecheʼ nga nuudu
gucuidu ti yoo para lii!
Raríʼ zusisácadu laluʼ,
nayecheʼ cudiʼdu ni lii.
Jiobá lii bidiiluʼ guiráʼ ni,
de iráʼ ni biquiiñeʼ raríʼ.
Bidiiu guendabiaaniʼ ne stipa,
pur nga gunda bínidu ni.
(ESTRIBILLO)
Cudiʼdu yoo riʼ lii Jiobá,
ra guisaca laluʼ Dios.
Rinábadu guicaaluʼ ni,
bicuidu ni para lii.
-
2. Maʼ stale nga binni nachaʼhuiʼ
cadxíñacaʼ dede raríʼ,
para gusisácadu laluʼ
ne izíʼdidu stale de lii.
Cudii stiidxadu de guiradu,
né stale guendarannaxhii,
nayá nga chigápadu liʼdxuʼ,
para gusisaca ni lii.
(ESTRIBILLO)
Cudiʼdu yoo riʼ lii Jiobá,
ra guisaca laluʼ Dios.
Rinábadu guicaaluʼ ni,
bicuidu ni para lii.
(Laaca zanda gúʼndaluʼ 1 Rey. 8:18, 27; 1 Crón. 29:11-14; Hech. 20:24).
