1. Peb Leej Txiv Yehauvas, koj tso tau peb dim,

Ntawm neeg tej kev qhia niaj hnub muab neeg ntes khi.

Koj Txoj Lus zoo yam lub teeb,

Ci ntsa iab rau txhua leej.

Peb thiaj pom kev kaj nrig, txawj ua peb lub neej.

2. Koj Txoj Lus qhia peb kom xyaum ua neeg ncaj ncees,

Thiaj nrog tau txhua leej txhua tus nyob sib haum xeeb.

Koj tej kev cai zoo tshaj plaws,

Hais tau raug peb nplooj plawv.

Peb qhuas koj mus ib txhis, tus muaj lub siab dawb.

3. Cov neeg cev koj tej lus nyob puag txheej thaum ub,

Muab koj cov lus sau tseg rau txhua leej txhua tus.

Cia peb khaws coj mus ua neej,

kom tsav tau peb kev ntseeg.

Peb thiaj txawj ua qhov zoo thiab txawj ua ncaj ncees.