1. Chɛhowa Finya naa, balika tau tau

Ŋ naŋ bɔɔ kɔllo le Diom numndo sɔlaa!

Nyɛ o nyɛ fee cho leniŋ,

muŋ kpou le tɔnɔ naa.

O ke naa nɛi chɔmaa, le tonyaa sinaa.

2. Diom numndo nɔ kpaayaa, le mbo yaasiaa naa

Mbo piiliaŋ yiyaŋ naa a kɔlta naalaŋ.

Sawala numndaŋ la naŋ,

a chaa yamɛi kiolɔɔ.

Sawala mandaalaŋ la naŋ bɔɔ le naa.

3. Diom numndo Chɛhowa,

o poonyiaŋ le naa.

Buɛiyaa numnda sindɛ bɛɛ ndaa nɔ hakioo.

Yandii kindi tiindaŋ naa le o kɛndɔɔ tosaa.

Balika Chɛhowa, le Diom num sɔviɔɔ!