HLA 95
Ceunak A Ceu Chin
(Phungthlukbia 4:18)
-
1. Hlanlio profet hna nih Khrih kong an hlathlai,
Hrum-aimi ca ruahchannak a si.
Thiang thlarau nih Messiah ratnak a phuan,
Khamhnak hmuhnak lam a kan timhpiak.
Atu Messiah uknak caan a phan cang,
A ratnak fiang te’n a langhter.
Vancungmi hmanh nih hngalh an rak duhmi thil;
Hngalhnak nawl kan hmuh cu a sung tuk.
(CHORUS)
Kan kalnak lam a ceu chin lengmang;
A ceu biknak caan ah kan nung.
Zohhmanh, Pathian nih a phuanmi thil;
Kan kalnak lam kip a kan hruai.
-
2. Kan Bawipa nih zumhawktlak sal kha hmangin,
A caan hmaan tein rawl a kan pek.
A caan phanh tik, biatak a ceu chin lengmang,
Kan lung a lak, khua a kan ruahter.
Kan lam a fiang deuh i kehlan a fek chin,
A ceu biknak caan ah kan nung.
Biatak Hrampi Jehovah kha lawm u sih;
Sunsaknak he a lam ah kan kal.
(CHORUS)
Kan kalnak lam a ceu chin lengmang;
A ceu biknak caan ah kan nung.
Zohhmanh, Pathian nih a phuanmi thil;
Kan kalnak lam kip a kan hruai.
(Rom 8:22; 1 Kor. 2:10; 1 Pet. 1:12 zong zoh.)
