CÂN 95
Ar Gynnydd Mae’r Llewyrch
(Diarhebion 4:18)
-
1. Flynyddoedd yn ôl fe ddatguddiwyd gan Dduw
Fod nerthol Waredwr yn dŵad.
Ei ysbryd ddatgelodd ddyfodiad y Crist
A’r rhyddid a roddai i’r Cread.
Meseia a ddaeth, Brenin nerthol nawr yw,
Arwyddion o hyn leinw’r byd.
Angylion y nef sydd yn ysu, fel ni,
Am gael deall yn well hyn i gyd.
(CYTGAN)
Ar gynnydd mae llewyrch ein llwybr,
Y wawrddydd i’w hanterth a ddaeth.
Cawn gerdded ar lwybr goleuni,
Ein harwain mae Duw ar y daith.
-
2. Penododd ein Harglwydd was ffyddlon a chall
I roi bwyd yn gyson i’w weision.
Yn raddol, cynyddodd goleuni y gwir,
Yn llachar a chlir mae’n disgleirio.
Yn sicr ein cam, goleuedig ein trem,
Fe gerddwn yng ngolau y dydd.
Rhoi diolch a wnawn i Ffynhonnell y gwir—
Duw Jehofa ei lewyrch a rydd.
(CYTGAN)
Ar gynnydd mae llewyrch ein llwybr,
Y wawrddydd i’w hanterth a ddaeth.
Cawn gerdded ar lwybr goleuni,
Ein harwain mae Duw ar y daith.
(Gweler hefyd Rhuf. 8:22; 1 Cor. 2:10; 1 Pedr 1:12.)
