HADZIDZI 95
Kekeli La Le Kɔkɔm Ðe Edzi
-
1. Nyagblɔɖila’o di be yewoakpɔ Kristo,
Ame si aɖe fukpekpe ɖa.
Gbɔgbɔ kɔkɔea ɖee fia be Mesia ava,
’Me si dzi ɖeɖekpɔkpɔ ato.
Azɔ ɣeyiɣia de Mesiaa le dzi ɖum,
Míekpɔ esia ƒe kpeɖodzi.
Enye dzidzɔ gã be míenya nu siawo;
Esiae mawudɔlawo hã di.
(HAXE)
Míaƒe mɔ dzi va kɔ nyuie fifia,
Míele zɔzɔm kekelia me.
Kpɔ nu si’o ɖem Ma’u le fia mí ɖa!
Efiaa mɔ míaƒ’afɔɖeɖe.
-
2. Aƒetɔ la tia kluvi wɔnuteƒe,
Ame si naa nuɖuɖu nyui mí.
Kekelia le kɔkɔm ɖe edzi fifia
’Ye wòklẽ ɖe míaƒe dziwo me.
Fifia míaƒe mɔ dzi kɔ nyuie, míeli ke.
Míezu kekelivi’o azɔ.
Akpe na Yehowa ɖe nyateƒea ta,
Míazɔ eƒe mɔ la dzi tegbee.
(HAXE)
Míaƒe mɔ dzi va kɔ nyuie fifia,
Míele zɔzɔm kekelia me.
Kpɔ nu si’o ɖem Ma’u le fia mí ɖa!
Efiaa mɔ míaƒ’afɔɖeɖe.
(Kpɔ Rom. 8:22; 1 Kor. 2:10; 1 Pet. 1:12 hã.)
