ZAJ NKAUJ 95
Paub Vajtswv Txoj Lus Zuj Zus
(Pajlug 4:18)
-
1. Cov cev Yehauvas Txoj Lus nyob txheej thaum ub,
Qhia tseg rau peb tias Yexus yuav yug.
Yexus thiaj daws tau peb lub txim txhaum huv si,
Kom peb tsis txhob raug kev ploj tuag ntxiv.
Yexus yuav los kho txhua tsav yam hauv ntiaj teb,
Ces peb yuav tsis muaj kev txom nyem.
Peb nco Yehauvas tus txiaj ntsig mus ib txhis,
Vim nws qhia txhua yam rau peb huv si.
(TXAIS)
Zaum no peb lub neej tsis tsaus ntuj lawm,
Nim no peb lub neej muaj chaw txawb.
Peb muaj Vajtswv ua tus cob qhia peb,
Nws yog tus coj peb txoj hau kev.
-
2. Niaj hnub no peb mloog tus qhev ncaj thiab ntse qhia,
Kom peb thiaj ua tau haum Vajtswv siab.
Yog tias peb kub siab lug kawm tsis tseg tsis tu,
Peb yuav paub Vajtswv Txoj Lus zuj zus.
Peb yuav ua ib lub neej nyob tshav ntuj qas nrig,
Tsis muaj ib yam yuav pauv tau li.
Ua tsaug Yehauvas tus uas muaj lub siab dawb,
Koj thiaj li yog tus peb yuav pe hawm.
(TXAIS)
Zaum no peb lub neej tsis tsaus ntuj lawm,
Nim no peb lub neej muaj chaw txawb.
Peb muaj Vajtswv ua tus cob qhia peb,
Nws yog tus coj peb txoj hau kev.
(Rho ntawm Loo. 8:22; 1 Klt. 2:10; 1 Pet. 1:12.)
