CHONDII 95
Paŋgeloo Cho Hiouwɔɔ Lachi a Diondɔɔ
-
1. Mi waŋnda pɛɛku a Kiliti okɔɔ,
Ndu cho tiindaŋ waŋnda chieeya ni.
Diom Mɛlɛkaa dimi ma o cho hunɔɔ,
Le mi naa kpou huŋ sɔla kindaa.
Teleŋndo fuuluu le Masale ndɔleŋ,
Ŋ cho niŋ chɔɔ nyɛ chɔm heiyo.
Ŋ cho a nyaale le sɔɔŋ muŋ pɛɛkoo hau,
Le hei maalikɛiya cho nyaaloo!
(CHƐLƆƆ)
Paŋgele naa hoo o cho diondɔɔ,
Ŋ cho lɛ o manyum niŋ te.
Nua nyɛ Mɛlɛka cho tosaa wo,
O cho naa nɛi ndɔ chɔmaa kioo.
-
2. Masa naa yulu buɛi ndɔ sakpoo iso,
O ke naa nyɛdiaa lɔɔ lɔɔ fee wo.
Paŋgele tonyaa hiouwɔɔ kɛ a diondɔɔ,
Mbo ke naa nyaaloo o kɔltaŋ niŋ.
Nɛi naa cho diondɔɔ nduyɛ miŋ wa niŋ chɔɔ,
Le miŋ kuɛ o nyɛ teŋgaa niŋ.
Balika Chɛhowa le naa tonyaa kioo,
Ŋ nɔ miŋ kuɛ o nɛi ndɔɔ hoo choo.
(CHƐLƆƆ)
Paŋgele naa hoo o cho diondɔɔ,
Ŋ cho lɛ o manyum niŋ te.
Nua nyɛ Mɛlɛka cho tosaa wo,
O cho naa nɛi ndɔ chɔmaa kioo.
(Tofa vɛlɛ Luomaŋ. 8:22; 1 Kɔliŋ. 2:10; 1 Pitɛ 1:12.)
