Kʼa muiˬ liꞈ 95
Shaˬ te shaˬ awˬ gʼeuˆ ba la chehˇ ve
-
1. Oˇ htaˇ tcuh kaˍ paˍ Hkriꞈ awˬ lawn htaꞈ ca nyi,
Hpanˍ taˍ ve hkʼa peu˗eˬ ve dawˇ law kuiˬ.
Meˍsiˉyaꞈ laˬ leh chaw yaˇ gʼa ponˬ tuˬ yoˬ.
Daꞈ kehˬ ve awˬ ha hpu kʼoˆ laˇ ve.
Awˬ yanˇ gaˬ la leh Meˍsiˉyaꞈ uˉ peunˍ chehˇ,
Shaˉ hkiˆ chi hkʼa dehꞈ mawˬ gʼa ve.
Ngaˬ hui awˬ lawn chi gʼa shiˍ ve ha lehˬ jaˇ,
Mvuhˇ naw ma tcuh yaˇ htawˇ mawˬ gaˇ ve!
(Kʼawꞈ kʼa kuiˬ)
Yaꞈ kʼaw shaˬ te shaˬ awˬ gʼeuˆ ba la,
Mvuhˇ nyi tawˆ la chehˇ ve hkʼa shuˍ.
Gʼuiˬ sha hpeuꞈ maw laˇ ve htaꞈ nyi loˬ,
Yawˇ ngaˬ hui htaꞈ sheh kʼai chehˇ ve.
-
2. Jawˇmawˇ ka tiꞈ yeˬ awˬ ceˬ htaꞈ awˬ vuiˬ piˇ,
Caˇ tuˬ dawˬ tuˬ pehˬ laˇ tcuh ve yoˬ.
Awˬ tehˬ ve awˬ gʼeuˆ ba la hehnˇ la pa taw,
Nyi ma pfuhˇ ve chaw cawˬ maˇ la ve.
Yaꞈ kʼaw htaꞈ mawˬ leh hkui teˇ piˍ le yeˬ ve,
Mvuhˇ nyi tawˆ awˬ yanˇ hkʼaw toˇ kʼai.
Awˬ tehˬ ve tawˆ la kuiˬ Yaˬhoˉvaˬ Gʼuiˬ sha˗oˬ,
Yawˇ awˬ pon awˬ bon uiˍ jaˇ kʼoˆ gaˇ.
(Kʼawꞈ kʼa kuiˬ)
Yaꞈ kʼaw shaˬ te shaˬ awˬ gʼeuˆ ba la,
Mvuhˇ nyi tawˆ la chehˇ ve hkʼa shuˍ.
Gʼuiˬ sha hpeuꞈ maw laˇ ve htaꞈ nyi loˬ,
Yawˇ ngaˬ hui htaꞈ sheh kʼai chehˇ ve.
(Roˉ 8:22; 1 Kawˇ 2:10; 1 Peˍ 1:12 kaꞈ nyi sheˍ.)
