YƖƖLL 95
Vẽenemã paasdame
-
1. Vʋʋsem sõngã ra vẽn’ga neb tɩ b bãng tɩ
Mesi n na n wa fãag ãdem-biisã.
B vaeesame n na n bãng a waoong wakato,
bala nebã namsda hal wʋsgo.
Wakatã taame, Mesi wã rɩta naam,
kaset wʋsg n be n wilged rẽ.
Paam n bãng yel-kãensã sɩd yaa zu-zẽkre.
Malɛgsã meng rat n bãnga rẽ.
(REESGO)
Tõnd sorã vẽenem tara paasgo,
wa zĩigã sẽn yẽegd n dabdã.
Tõnd Wẽnnaamã maana tõnd neere.
A wilgda tõnd sor wakat fãa.
-
2. A Zeezi yãka tʋm-tʋmd sẽn tũud sɩdã,
t’a kõt a nebã rɩɩb wakat fãa.
Sɩdã vẽenem paasda wakat ne a to fãa,
kõta sũ-noog la be yamleoogo.
Tõnd paama vẽenem tɩ d nao wã yaa faaga,
tɩ tõnd kẽng vẽenem kãng pʋgẽ.
Bark wʋsgo Zeova, fo sẽn kõ tõnd vẽenem,
tɩ d kẽnd a pʋgẽ ne sũ-noogã.
(REESGO)
Tõnd sorã vẽenem tara paasgo,
wa zĩigã sẽn yẽegd n dabdã.
Tõnd Wẽnnaamã maana tõnd neere.
A wilgda tõnd sor wakat fãa.
(Ges-y Rom. 8:22; 1 Kor. 2:10; 1 Pɩy. 1:12)
