KANTIKA 95
E Lus Ta Bira Mas Kla
-
1. E santu profetanan tur kier a sa
di Dios su sekreto sagrado:
Kon un Desendiente lo bin liberá
henter kreashon suspirando.
Awor, klaramente por wak e señal:
Mesías a ser koroná.
Bèrdatnan presioso na nos ta konfiá;
asta angelnan ta⁀interesá!
(REFREIN)
E lus dje bèrdat ta birando
mas kla ku un dia soliá.
Yehova Dios ta revelando
tur kos na su tempu fihá.
-
2. Nos Dios a⁀apuntá un esklabo leal
ku ta⁀alimentá nos na tempu,
i⁀e lus dje bèrdat mas i mas ta⁀oumentá,
hasiendo nos alma kontentu.
Di tur skuridat nos a ser liberá.
Nos shelu ta iluminá!
O, danki Yehova, e Dios di Bèrdat,
e Gran Tata di Lus Selestial!
(REFREIN)
E lus dje bèrdat ta birando
mas kla ku un dia soliá.
Yehova Dios ta revelando
tur kos na su tempu fihá.
(Wak tambe Rom. 8:22; 1 Kor. 2:10; 1 Ped. 1:12.)
