CHELITAKL 95
A Llomes a Mengal Mo Mellomes
-
1. Ar profet a milsuub l’kirel a Kristus,
El ngii a omelatk ra klechad.
Ma Dios a dilu l’kmo ngmor ngii a Mesias,
Ngikel mo uchul a osobeled.
Ngmla mo temel a Mesias el mengedereder,
Me ngmla obeketakl tial taem.
Ngungil techall bo dod’ngei aikal tekoi,
El rechanghel a kmal luluureng!
(CHORUS)
A roled a mengal mellem’sang.
Ngmo mellomes el ua cheldecheos.
Momtab aikel lolecholt a Dios,
El Ngii omekrael ra roled.
-
2. A Jesus a mla tutkii a ungil mesiou,
Lokiu ngii e ngmeskid a dousbech.
Ma klem’rang a di merael mo bleketakl,
El mengelaod er kid el rokui.
Ngmelemalt e mededesang a roled,
Me kede merael l’ngara llomes.
Doreng a sulel a Jah l’ngii a klem’rang
Dolemolem el merael ra rolel.
(CHORUS)
A roled a mengal mellem’sang.
Ngmo mellomes el ua cheldecheos.
Momtab aikel lolecholt a Dios,
El Ngii omekrael ra roled.
(Dirrek el momes er a Rom 8:22; 1 Ko. 2:10; 1 Pe. 1:12.)
