GIĽI 95
O švetlos švicinel buter a buter
(Príslovia 4:18)
-
1) Imar igen čirla les užarenas.
Hoj avela, paťaben len sas.
O Kristus, ko ela, ňič na džanenas.
Pal leste ča sľubi genenas.
Save vďačna sam, hoj pes šaj dodžanľam,
hoj Kristus Ježiš vladňinel.
Sas lačhes le Devlestar, hoj sprindžarďam,
so kamle aňjela te džanel.
(REFREN)
Pro drom dičhol furt a furt feder,
o pindre hine isteder.
Le čačipnaha, so švicinel,
na daras te džal dureder.
-
2) Le „spravcaha“ furt anglal dromeha džas.
Hin furt so te chal, so te pijel.
Pal o Ježiš džas, čačipen sikhľuvas,
sar pašeder ko Del te avel.
Furt feder dikhas, andre tma na phiras,
imar o ďives švicinel.
O Jehovas Del o švetlos bičhavel,
oleha sikavel, sar kamel.
(REFREN)
Pro drom dičhol furt a furt feder,
o pindre hine isteder.
Le čačipnaha, so švicinel,
na daras te džal dureder.
(Dikh mek Rim. 8:22; 1. Kor. 2:10; 1. Petra 1:12.)
